Matteusarguðspjall 5, 17-19

Strax í fyrstu prédikun sinni í Sixtínsku kapellunni sagði Frans páfi, og vitnaði þar í Leon Bloy: „Sá sem ekki biður til Guð, biður til djöfulsins“. Sumir kristnir guðfræðingar vitna í vörn þrældómsins hjá heilögum Páli og eru þeirrar skoðunar að ákveðnum fyrirmælum Biblíunni sé hægt að breyta vegna breyttra aðstæðna í lífinu. Á þennan hátt útskýra þeir til dæmis prestdæmi kvenna (1Kor 14, 34-35; Post 8, 18-23), hjónaband samkynhneigðra (3Mós 18, 22; 3Mós 20, 13; Róm 1, 27; 1Kor 6, 9; 3, 1Tím 1, 10), getnaðarvarnir (1Mós 1, 28; 1Mós 9, 1. 7.), fóstureyðingar eða líknardráp (1Jóh 3, 15). En heilagur Páll var ekki samþykkur ánauð og gefur þeim sem lifa við slíkar aðstæður hagnýtar leiðbeiningar (1Kor 12, 13; Ef 6, 5; Kól 3, 22; 1Tím 6, 1; Tít 2, 9; 1Pét 2, 18). 

„Enginn þýðir neinn spádóm Ritningarinnar af sjálfum sér“ – segir heilagur Pétur (2Pét 1, 20). Jesús útskýrir þetta svo: „Þannig látið þið erfikenning ykkar, sem þið fylgið, ógilda orð Guðs“ (Mrk 7, 13). Og orð guðspjallsins í dag eru þessi: „Hver sem því brýtur eitt af þessum minnstu boðum og kennir öðrum það mun kallast minnstur í himnaríki“ (Matt 5, 19). Þessi skuldbinding á ekki bara við um guðfræðinga og hina stóru í þessum heimi, heldur einnig kristna menn sem sýna mikla fáfræði í þekkingunni á Orði Guðs með því að hafna helstu boðorðum Guðs (2Mós 20, 2-17).

Athugasemdir

[Jón Valur Jensson, 26.3.2014 kl. 11:06]

Það er fagnaðarefni að fá þig hingað til þátttöku í Moggabloggi, séra Jakub!

Velkominn!

[Húsari. (IP-tala skráð) 26.3.2014 kl. 15:54]

Heill og sæll, séra Jakub.

Þakka þér fyrir einstaklega skýra framsetningu
á þeim málum sem þú berð fram í pistli þínum. -

Jafnvel á ofanverðri 20. öld þekktist varla hjá
einstökum söfnuðum að nokkur þar, kennimaður eða
prédikari þýddi "... neinn spádóm Ritningarinnar
af sjálfum sér".

Á öndverðri 21. öld hefur holskefla sjálfskipaðra
Biblíuskýrenda komið fram.
Ekkert skortir þar á kunnáttu í fornmálunum; latínu og grísku!
Jafnt í rituðu máli sem á sjónvarpsstöðvum sér þessa stað.

Eru menn sem þessu nemur spakari nú við útleggingu orðsins
eða gengur þeim eitthvað annað til?

Heillaóskir þér til handa í tilefni bloggs þíns.